Oh Hiroshima

Oh Hiroshima chegan dende Kristinehamn (Suecia) e actualmente están formados polos irmáns Jakob Hemström (guitarra e voces) e Oskar Nilsson (batería). Levan máis de 15 anos construíndo un son único dentro do post-rock, cunha identidade marcada pola combinación de crescendos poderosos, melodías delicadas e voces atmosféricas. A súa música foi evolucionando co tempo, incorporando elementos de shoegaze, indie-rock e post-punk, o que fai difícil encaixalos nun só xénero.

Tras comezar como proxecto DIY, en 2011 lanzaron o seu debut Resistance Is Futile e en 2015 chamaron a atención co seu segundo disco In Silence We Yearn, acadando gran repercusión en YouTube. Con Oscillation (2019) e Myriad (2022) consolidaron o seu lugar na escena internacional, sendo recoñecidos pola crítica especializada.

En 2024 ficharon por Pelagic Records e anuncian novo traballo: All Things Shining, que veria a luz o 28 de xuño. Xa adiantaron dous sinxelos: Wild Iris e Secret Youth. No Esmorga Fest, prepárate para deixarte levar pola intensidade emocional e sonora dunha das bandas máis respectadas do post-rock europeo.